·
Remedinan
p.e. Remedinan di Tosamento, Remedinan cu ta kita dolor
·
Alcohol,
p.e. Cerbes, Whisky, Vodka, Rom, Binja
·
Tabaco,
p.e. Sigaria. Siga, Tabaco di kauw, Shag
Remedinan ta droganan cu nos tin cu usa ora nos
realmente MESTER
di nan por
ehempel ora nos bira malo.
Como cu remedinan ta contene quimico (tin biaha
fuerte) esakinan por afecta cierto organonan di hende, muy especial di muchanan.
Pa motibo cu un mucha su curpa constantemente ta
den desarroyo, y su organonan ta creciendo y fortificando, e mester tene EXTRA
cuidao ora di usa remedi, pasobra esaki lo por afecta su organonan cu ta den
desaroyo,
y esaki por causa danjo na nan.
Ta hopi peligroso pa usa un remedi si nos no mester
di esaki realmente. Asina cu nos bira bon nos mester stop di usa
e remedi pasobra nos curpa ora e ta sano NO
MESTER DI REMEDI.
Tambe ta hopi importante pa ora nos hanja un remedi
nos pidi nos mayornan pa lesa HOPI BON
kiko tin para riba e papel (bijsluiter) cu ta bini cu e remedi. Tin
remedi cu por dunabo sonjo, biramento di cabes of stoma.
Tin biaha nos curpa no ta bai cu un remedi cu
dokter duna nos y e ora nos curpa mesora
ta protesta.
E ora nos tin cu pidi dokter pa cambia e remedi pa
nos.
SEMPER lesa bon cuanto di e remedi nos tin cu tuma diariamente.
P.e. si ta
para cu bo tin cu tuma cada bes 10 ML. di un remedi, tuma estrictamente esi cada
biaha.
ABSOLUTAMENTE
NO TUMA MAS CU ESAKI.
E apotheker
ta pone esaki riba e botter pasobra E SA
cu si bo tuma mas cu esei e por causa danjo.
Pesei mester respeta SEMPER locual tin poni riba e botter.
Corda semper cu remedinan ta quimiconan y
quimiconan ta peligroso si bo no usanan como debe ser.
Tin biaha
nan ta pone un smaak dushi, por ehempel un smaak di fruta den e remedinan pa
asina e mucha bebe esaki mas liher pero esaki
NO
KIERMEEN cu ta cos dushi e ta.
Tambe ta
hopi peligroso pa usa remedi di otro hende, pasobra tur hende ta diferente.
Podicer bo curpa no ta acepta e remedi di otro hende, e ora ei enbes di bira bon
bo por bira mas malo.
Ademas e ta peligroso pasobra Bo no sa cuanto tempo
e hende tawata tin e remedi ei warda. E por ta un remedi bieuw. Pa
e motibo ei muchanan
NO
MAG di usa remedi nan mes, tampoko usa
remedi di otro hende. SEMPER wak pa
tin un hende grandi responsabel ora cu bo ta bai usa remedi. Pa asina e LESA
PROME cuanto e tin cu dunabo y kiko por ta e bijwerking(nan) di e remedi.
CORDA
SEMPER no usa remedi si bo no ta malo.
Nos curpa ta traha di tal forma cu e NO
ta dependiente di NINGUN tipo di
Droga ta solamente ora hendenan ABUSA
of USA cierto droganan (remedi tambe)
INCORRECTAMENTE e curpa por bira
dependiente di e droga. Esaki nos ta jama adiccion. Bo por bira adicto na e
quimico cu tin den e remedi. E ora e curpa tur dia mester di e droga pa e sinti
bon.
Alcohol ta
un droga cu ta cambia e
personalidad di un hende ora e
ABUSA di dje.
Alcohol tambe
ta contene quimico. E quimico aki jama ETHER.
ETHER ta un quimico cu ta wordo usa pa manda hende flauw.
Pesei ora un hende bebe alcohol, su cabes ta
cuminsa bira,
su stoma ta cuminsa bira y si e Bebe hopi hopi e
por cai flauw.
Ta ETHER
ta ocasiona esaki.
ETHER ta un quimico cu ta smaak masha masha marga mes !!!!!!!
Hopi biaha e ta smaak hopi marga aki por wordo sinti den p.e. Whisky, Rom y Vodka.
Pero
tin hende sabi y pa hasi hende, muy especialmente muchanan
kere
cu alcohol ta dushi nan ta hinka smaaknan dushi den esaki
p.e.
tin hopi binjanan cu ta contene hopi suku of liquernan cu tin un smaak hopi zoet.
Esaki ta pa kita e smaak di Ether cu tin den alcohol.
Pero ta solamente e smaak nan ta cambia.
E ether mes ta keda aden y tambe por causa danjo.
Mescos cu remedinan, alcohol tambe ta peligroso pa e organonan di e ser humano. Muy especialmente e organonan di muchanan.
Pesei mes
alcohol
no ta cos pa mucha. Pa e motibo ei Gobierno tin leynan cu ta prohibi hende
bende muchanan alcohol.
Pasobra
muchanan mester cuida nan organonan cu ta den desaroyo y cu ta creciendo ainda y
alcohol (ETHER) por stroba esaki.
Tambe
Alcohol por causa danjo na e celebro di e ser humano. Un hende cu usa alcohol pa
hopi tempo por cuminsa perde memoria y lubida
cierto cosnan. Tambe e por hanja problema cu su
nervionan.
E por afecta su habla (forma di papia). Tambe e por
causa danjo hopi inmenso na su higra. ABUSO
di alcohol por afecta e higra di tal forma cu e persona ta hanja e malesa
di higra cu jama scirrosis y ta muri.
Alcohol tambe
ta un Droga cu ta hasi cu e curpa ta bira dependiente na dje cu tempo.
Tabaco, Sigaria, Siga ta contene NICOTINA.
Nicotina ta un quimico cu ta afecta e systema di garganta y pulmon severamente. E por causa
bronchitis pisa y cancer na pulmon cu por causa morto. Nicotina tambe ta un
droga cu ta hasi cu despues di tempo e curpa ta bira dependiente na dje y ta
sumamente dificil pa sinja biba bek sin e nicotina.
Sigaria ta wordo considera un droga cu ta habri
“e porta” pa muchanan bai usa droganan mas fuerte.
Como cu e curpa di e ser humano ta pidi cada dia
mas y mas di e droga, ta jega un momento cu e persona ta bai usa otro droganan
mas fuerte pa hanja e mesun efecto.