Hopi biaha personanan cu ta usa droganan illegal a
cuminsa cu droganan legal (sigaria, alcohol).
Hopi biaha hendenan ta cuminsa usa sigaria of
alcohol y despues di tempo ora esakinan ya no tin efecto riba nan, nan ta bai
usa otro droganan mas fuerte, hopi biaha esakinan ta droganan
ILLEGAL.
Kiko ta droga illegal ?
Droganan ILLEGAL,
ta droganan cu ta prohibi pa Ley como cu nan ta wordo considera hopi peligroso
pa e salud di e ser humano. Droganan ILLEGAL
ta contene hopi quimiconan y hopi biaha diferente quimiconan peligroso mezcla cu
otro cu ta causa danjo severo na e celebro, curazon y otro organonan di vital
importancia pa e persona. Door cu e droganan aki ta wordo produci ILLEGALMENTE
bo no sa nunca cual quimico a wordo hinca aden realmente.
Na Aruba tin diferente droganan ILLEGAL
cu hende ta usa.
Nan ta drenta Aruba di tur forma.
Cu
boto, avion, den maleta, cahanan, container
etc…..
E droganan ILLEGAL
cu ta mas hopi usa na Aruba
ta e.o. ;
·
Marihuana
·
Cocaina
·
Base
Marihuana ta un droga cu ta bini di e mata
yama
canabis. Di naturalesa caba e marihuana ta contene quimiconan manera THC.
Marihuana ta un droga cu ta wordo huma.
E quimico THC ta e droga cu ta causa danjo na e ser
humano. Entre otro e ta hasi hopi danjo na e celebro e systema respiratorio,
pulmon.
E quimico THC cu tin den marihuana ta un droga cu
ta “slow
down” e funcionamento di e celebro.
Pa e motibo ei e persona cu ta usa marihuana tin
problema cu concentracion, ta hopi poko poko den su reaccionnan y no tin un
memoria bon.
Un persona cu usa marihuana pa temporada nan largo
por perde su memoria a “largo
plazo” p.e. cu e no ta corda cosnan di antes. Y despues di tempo e por perde
tambe su memoria a “corto
plazo” p.e. cu e no ta corda cosnan cu a pasa cune recientemente.
Esaki ta debi cu e THC ta destroza e celnan di
celebro cu ta percura pa hende corda cierto cosnan.
Pesei un mucha cu ta bayendo school mester tene
hopi cuidao cu esaki, como cu e por strobe di sinja bon na school y bai dilanti.
Tambe marihuana ta un droga cu ta cambia e
personalidad di e persona.
Un persona cu ta usa marihuana hopi
ta bira floho, depressivo y ta perde motivacion. E no ta interesa pa bai
school mas y ta perde interes den actividadnan deportivo.
Marihuana ta un droga cu ta hasi e curpa
dependiente na dje den un corto tempo.
Cada bes e curpa ta bai pidi mas y mas di e
marihuana pa hanja e mesun efecto (haltura).
Mescos cu sigaria y alcohol, ta
yega un momento cu
ni maske cuanto marihuana e persona usa, esaki no ta dune efecto mas. E ora ei e
persona ta hanja su mes ta bai usa droganan mas fuerte pa logra efectonan mas
fuerte. Marihuana tambe ta
causa adiccion.
Cocaina ta un droga cu ta wordo cultiva na e
Paisnan Latino-Americano manera e.o. Peru, Colombia, Ecuador. E
cocaina ta wordo traha for di e Cocaplant. E blachinan di e cocaplant aki ta
wordo mescla cu quimiconan menera e.o. thinner y despues di pasa den diferente
proceso di laboratorio, e producto final ta resulta den un poeiroe blanco. E poeiroe blanco aki ta wordo inhala door di e nanishi.
Cocaina ta un droga SUMAMENTE PELIGROSO y ADICTIVO.
Pa motibo cu cocaina ta wordo inhala (ingesnoven)
door di e nanishi e peliger y danjo celebral por ta hopi grandi. Como cu e
nanishi ta serca di e celebro, e cocaina ta yega hopi liher y cu tur su forsa na
e celebro causando un danjo hopi severo na esakinan.
Un persona
cu ta usa cocaina hopi biaha no sa cuanto danjo e ta hasi na su curazon y
celebro.
Como cu cocaina ta un droga cu ta cai bao di e
categoria di “Stimulante” e ta stimula e presion di sanger y na momento cu e
presion di sanger subi e curazon ta cuminsa pomp hopi mas duru cu normal.
Esaki por causa cu dado momento e musculonan di e curazon
ta “give up”. Nos curason ta un
organo masha delicado cu nos mester cuida masha masha hopi mes.
Cocaina ta un droga cu por causa MORTO
for di e prome momento cu bo usa esaki.
Esaki nos ta
yama un overdosis: “Un di mas di e
droga pa e curazon di e ser humano”
Ora cu un
persona usa cocaina e celebro manda mensahenan bruha (confuso) pa e curpa. Hopi
biaha e persona cu ta usa cocaina ta wak y tende cosnan cu no ta existi. Esaki
nos ta jama Paranoia (Paranoid). Cocaina ta un droga cu ta hasi e persona
dependiente di dje den corto tempo y e
ta pone hende hasi hopi cosnan cu
despues nan ta lamenta.
Como cu cocaina su “werking” real ta ongeveer 10 minuut, cada bes e persona kier mas di e droga pa e bira halto atrobe. Ora cu e “werking” di e cocaina pasa, e persona no ta sinti su mes normal, pasobra e cocaina ta causa danjo na e celebro, y ta causa cu e ta bira depresivo (tristo). Esei ta hasi cu e persona ta usa mas y mas di e droga cada bes. Tin hende ta gasta tur nan salario na uso di cocaina pasobra nan ta adicto y nan no por sin dje.
Tin hopi adictonan na cocaina pero hopi biaha nos no ta compronde di con nan no por stop. E ta sumamente dificil pa stop pasobra e persona ta depende di e droga pa e por funciona, e ta depende di e droga pa e por sinti su mes contento, e ta depende di e droga pa e por hasi su trabou, e ta depende di e droga pa e por hasi sex. Ora nan no tin e cocaina nan ta sinti malo y nan ta bira hopi depressivo (tristo) y te hasta suicidal (kier mata nan curpa) kier mata esnan rond di dje, ta perde respet pa tur hende y pa su mes y den desesperashon ta hasi KIKO CU TA basta e hanja e droga.
Hopi biaha bo
ta nota cu nan no por maneha e situacion mas y nan ta cuminsa hanja problema na
trabou of ta perde trabou pasobra nan no por cumpli,
nan bida di familia no ta existi mas pasobra nan no tin tempo pa nan
famia, solamente pa e droga y nan no ta worry cu nada. Solamente nan ta interesa
den e cocaina, cocaina, y cocaina. Cocaina tambe ta causa adiccion.
Base ta un derivado (ruman) di e droga cocaina. E
droga base por wordo considera como e resto di e cocaina. E ta wordo mescla cu
hopi otro y mas quimiconan. Despues di pasa den e proceso nan ta forma piedranan
(Rocks) cune.
Esaki ta wordo huma. Base ta hopi mas peligroso y
adictivo cu cocaina. Su “werking” real, e asina yama “flash”
ta solamente un paar di seconde, tin biaha un paar di minuut. Despues di
esei, e persona ta bira “down” y ta pasa den e mesun proceso di
desesperashon y depressividad cu cocaina ta causa. Base ta un droga di hopi mal
calidad y ta wordo bendi hopi barata.
Pasobra e ta duna un efecto hopi mas duro pero ta
hopi mas peligroso y adictivo tambe.
Base ta wordo usa hopi biaha door di personanan cu ya no ta sinti e efectonan di
cocaina mas, e hendenan aki ya ta hopi leeuw den adiccion di droga. Como cu base ta asina barata e ta wordo
usa hopi biaha door di e asina yama chollernan kendenan ta personanan cu ta hopi
“diep” den e adiccion. E personanan aki tambe ta cai den e grupo cu ta causa
hopi molester
riba caya, pasobra ya nan a perde tur berguenza, razon y
balor.
Nan ta cana
slenter riba caya, biba den sushi, come for di bari sushi pero e cos di mas peor
ta, cu nan no ta ni worry pasobra ya nan a perde tur berguenza.
Opium bruto ta un opiato cu ta wordo prepara for di opium bruto.
“papaver
somniferum”.
E lechi ta seca y bira un substancia bruin scur/preto.
Esaki
por wordo huma puro den e «pipa di opium». E
uso di opium bruto ta un practica di siglonan bieuw.
Morfina
ta un producto cu ta wordo isola for di opium bruto.
Ta permiti pa usa Morfina solamente pa metanan
medico como calmante pisa y verdoving.
Heroina
ta wordo traha for di morfina por medio di un proceso quimico.
Heroina a wordo treci riba Mercado rond di 1900 como un calmante fuerte y como remedi contra astma, bronchitis y otro malesanan respiratorio.
Ora
a resulta cu hopi hende tawata bira adicto na heroina, e uso di esaki a disminui.
Mientras tanto heroina a aparece riba mercado di droga.
Heroina
su aspecto ta manera poeiroe blanco, bruin of shinishi.
Methadon
ta un opiato
synthetico
Tin
hopi hende den droga cu ta slenter riba caya ta perde trabou, a bai laga famia,
perde dignidad y nan futuro caba,
Droga ta sumamente peligroso. Tin diferente
motibonan pa cual hende ta bai usa droga.
E ta sumamente tristo si bo wak rond di bo cu droga
a penetra tur caminda. Tin biaha e ta dificil pa resisti tentacion.
Pero tin
diferente forma cu nos mes por evita di bai den droga.
Nos mester sinja cu nos mester soluciona nos
problemanan cu balor.
Tur hende, sin excepcion ta pasa den cosnan
fastioso y dificil den bida, pero semper tin un solucion pa esaki. Nos mester
zorg pa semper nos tin un hende di confianza (sea mama of tata, wela, tanta,omo)
na kende nos mester conta nos problemanan.
Nan tin mas experiencia y nan por
yudabo deal cu
situacionnan dificil den bida.
Droga ta trese solucion pa bo problema, pero esaki
ta TEMPORAL.
Nos tin hopi
problema cu drogadiccion, muchanan tin cu mustra cu nan tin balor y cu nan por
enfrenta cualquier dificultad cu
confianza y sin miedo. Esaki ta un proceso cu cada ser humano tin cu pasa door
di dje.
Antes nos no
tawata sa di e danjonan cu droga REALMENTE ta hasi na hende. Awe nos tin cu
djies wak rond di nos pa nos hanja sa esei. Droga ta danja bo bida, e ta ponebo
fracasa y ta destrui bo futuro.
E mihor cos pa hasi ta NUNCA MISHI CUNE, TAMPOKO PURBE.
Tin
hopi hende cu a purbe pabo caba y a
pega na dje y awe nan mester tin suerte si nan por contabo con nan a sobrebibi e
“terror” aki. Cu droga bo ta hasi no solamente bo mes danjo y
dolor pero bo ta hasi danjo y ta causa hopi dolor na tur esnan cu ta stimabo di
berdad y cu kier wak abo den e bon caminda. Bo famia ta esun cu ta sufri.Si un
persona den cas ta droga, ta full e famia ta sufri. Adiccion no ta cuminsa for di un dia
pa otro, manera boso por a lesa na cuminsamento, un mal custumber (uso inapropia)
di remedi tambe por causa adiccion. Como
cu droganan legal manera sigaria y alcohol por lo general ta acepta pa e
sociedad, mucha- y hobennan ta lanta cu e pensamento cu esaki ta algo normal
door cu tur hende ta usa esakinan toch, pero nos mester ta consiente cu esakinan
ta e droganan cu ta habri e porta pa usa droganan mas fuerte den futuro.
Hopi biaha nos ta cuminsa
usa algo “inconsientemente”, sin
pensa cu esaki tawata e prome stap pa sigui usa cosnan mas fuerte den futuro.
Droga por causa te hasta bo MORTO.
Bo no mester di droga pa bo funciona.
Gradici Papa Dios tur dia pa e curpa y mente bunita
y sano cu ela dunabo, pidi tambe tur dia pa e guiabo SEMPER riba e bon caminda.
Priminti bo mes cu nunca lo bo hasi danjo na bo
mesun curpa y mente.
Sigui
padilanti, Bo no mester di Droga.